إزاي تربط زمام بالفاتورة الإلكترونية؟

الخطوات — من الصفر لأول فاتورة مقبولة

1. 1

   افتح إعدادات الفاتورة الإلكترونية

   من القائمة: المحاسبة ← الفاتورة الإلكترونية. هتلاقي شريط «الجاهزية» فوق بيقولك انت خلصت قد إيه من الإعداد — هدفنا نوصله لـ ١٠٠٪.

   الجاهزية: 71%أكواد الأصناف (12)ربط الوحدات (3)

   الجاهزية: 100%اكتملت جميع المتطلبات — يمكن إنشاء مستندات الفاتورة الإلكترونية

2. 2

   ابدأ ببيئة الاختبار

   زمام بيدعم بيئتين: بيئة اختبار المصلحة (Pre-production) وبيئة التشغيل الفعلي. ابدأ دايماً بالاختبار — تجرب براحتك من غير ما يتسجل حاجة رسمية.

3. 3

   سجل بيانات منشأتك

   الرقم الضريبي، اسم الشركة، كود النشاط (بتدور عليه بالاسم وزمام بيجيبه من دليل المصلحة)، وعنوان المنشأة زي ما هو مسجل عند المصلحة: المحافظة والمدينة والشارع ورقم المبنى.

4. 4

   أكواد الفروع

   كل فرع عندك لازم يكون ليه كود فرع مسجل عند المصلحة. بتدخله مرة واحدة على بيانات الفرع في زمام، وأي فاتورة من الفرع ده بتطلع بالكود الصح تلقائياً.

5. 5

   اربط أصنافك (أهم خطوة)

   المصلحة عايزة كل صنف بكود موحد: GS1 (لو منتجاتك ليها باركود عالمي) أو EGS (كود مصري خاص بيك). في زمام بتعملها من شاشة واحدة لكل الأصناف — وفيه زرار بيولد كود EGS تلقائياً بصيغة EG-رقمك الضريبي-كود الصنف. خد بالك: أكواد EGS لازم تتسجل وتتعتمد في بوابة الممول قبل أول إرسال.

   الكود	الاسم	نوع الكود	كود المصلحة
   SKU-1042	شيبسي حار ٥٠ جم	EGS	EG-100200300-SKU-1042
   SKU-1043	مياه معدنية ١.٥ لتر	GS1	6221031954023
   SKU-1044	قهوة مستوردة ٢٥٠ جم	EGS	EGS

6. 6

   اربط وحدات القياس

   قطعة، كيلو، كرتونة… كل وحدة عندك بتتربط بكود الوحدة المقابل في دليل المصلحة. شاشة واحدة، بتتعمل مرة واحدة.

7. 7

   بيانات الربط من بوابة الممول

   من بوابة الممول بتاعتك على موقع المصلحة بتطلع Client ID و Client Secret، وبتحطهم في زمام. فيه زرار «اختبار الاتصال» يطمنك إن الربط شغال قبل ما تبعت أي حاجة.

   Client ID *

   4f8a1c2e-••••-••••-a9d3

   Client Secret *

   ••••••••••••••••

   اختبار الاتصال الاتصال ناجح

8. 8

   ابعت أول فاتورة تجربة

   أكّد فاتورة بيع عادية في زمام، وابعتها من تبويب «الإرسالات». هتشوف حالتها لحظة بلحظة: في الانتظار، اتبعتت، اتقبلت — ولو المصلحة رفضتها، زمام بيوريك سبب الرفض بالعربي عشان تصلحه وتعيد الإرسال.

   INV-000041مقبول لدى المصلحة

   INV-000042مرسل — قيد التحقق

   INV-000040مرفوض (قابل للإصلاح)

   العميل «شركة النور» منشأة لكن دون رقم ضريبي

9. 9

   انتقل للتشغيل الفعلي

   بعد ما تطمن على بيئة الاختبار، حول للإنتاج. الفواتير الرسمية (إصدار 1.0) لازم تتوقع بشهادة التوقيع الإلكتروني بتاعتك (توكن ITIDA) — وزمام جاهز يربط بيها من جهازك مباشرة، لأن التوكن بيفضل عندك ومبيطلعش برة شركتك.

10. 10

    فعل الإرسال التلقائي وارتاح

    فعل «الإرسال التلقائي عند التأكيد» وخلاص: كل فاتورة بتتأكد بتدخل قائمة الإرسال لوحدها. ومرتجعات البيع بتطلع إشعارات خصم مربوطة بالفاتورة الأصلية تلقائياً.

ليه الربط من زمام مريح؟

أسئلة بتتكرر

ملحوظة: اشتراطات ومواعيد المنظومة بتتحدث من مصلحة الضرائب من وقت للتاني — راجع دايماً آخر قرارات المصلحة أو استشر محاسبك.