إزاي تظبط مسارات الموافقات في زمام؟

الخطوات

1. 1

   افتح إعدادات مسارات العمل

   من الإعدادات ← مسارات العمل. هنا بتتحكم في كل إجراء لوحده: مين لازم يوافق قبل ما يتنفذ، وبكام خطوة.

2. 2

   اختار الإجراء اللي عايز تحكمه

   القايمة فيها الإجراءات الحساسة في النظام كله: تأكيد فاتورة المبيعات، تأكيد أمر الشراء، تأكيد سند صرف/قبض، سحب من رأس المال، تحويل مخزون، ترحيل قيد يومية، اعتماد مسير الرواتب، الموافقة على الإجازات (لكل نوع إجازة لوحده لو حبيت)… وغيرها. كل إجراء ليه مساره المستقل — ممكن فاتورة المبيعات تحتاج موافقتين، وتحويل المخزون موافقة واحدة، والباقي من غير موافقات خالص.

3. 3

   ركّب خطوات الاعتماد

   كل خطوة بتحدد مين الموافق: دور وظيفي معين (مدير المبيعات، المدير المالي…) — ولإجازات الموظفين تقدر تختار «المدير المباشر» أو «مدير القسم» فيتحدد الموافق تلقائياً حسب الموظف صاحب الطلب. رتب الخطوات زي ما تحب: الخطوة ٢ مش هتشوف الطلب غير لما الخطوة ١ توافق.

   الإجراء *

   تأكيد فاتورة المبيعات▾

   خطوات الاعتماد

   1مدير المبيعاتدور وظيفي

   2المدير الماليدور وظيفي

   إضافة خطوة

4. 4

   إيه اللي بيحصل عند الموظف؟

   من غير ما تدرب حد على حاجة جديدة: زرار «تأكيد» بيتحول لوحده لـ «إرسال للموافقة»، ولافتة صفرا بتوضح إن المستند محتاج موافقة. الموظف بيشتغل عادي — والنظام هو اللي بيمسك الدور.

   INV-000051

   فاتورة مبيعات — مسودة

   إرسال للموافقة

   هذا المستند يتطلب موافقة قبل التأكيد

5. 5

   وإيه اللي بيحصل عند المدير؟

   كل الموافقات المعلقة بتتجمع في صندوق وارد موحد — على الويب وعلى الموبايل. المدير بيشوف تفاصيل الطلب كاملة (مين طلب، القيمة، البنود) وبيعتمد أو يرفض بضغطة. ولو رفض، بيكتب السبب — والمستند بيرجع للموظف «مرفوض — للمراجعة» يعدله ويبعته تاني.

   تأكيد فاتورة المبيعات INV-000051

   مقدم الطلب: أحمد فؤاد · القيمة: 48,500 ج.م

   اعتماد رفض

   INV-000049

   مرفوض — للمراجعة

   سبب الرفض: السعر أقل من الحد المسموح للعميل ده

6. 6

   مهم: من غير خطوات = المسار مقفول

   لو عملت مسار من غير ولا خطوة اعتماد، النظام بيعتبره مش مفعّل والإجراء بيتنفذ مباشرة. فلما تضيف مسار جديد، اتأكد إنك ضفت خطوة واحدة على الأقل.

ليه دي أهم إعدادات هتعملها؟

توليفات بنشوفها كتير